13
SCENA 10" — Luigi e detti. Indi tutti
Lui. Comanda. (Che: ’o Capitano!)
Cap. Qui voi? Luigi, dov’è vostra sorella? (restano in dialogo)
Pul. Chisto è ’o tiempo. Gamme meje, a buie m’arraccumanno. (p. fuggire. Fel. lo trattiene)
Fel. No, tu nun te ne vaje, si primma nun te dongo nu vasillo ncopp’ a sta bella manella.
Pul. Te venga nu cancaro, (c. s)
Fel. Uccidimi, ma dammi l' amor tuo. (afferrando Pulcinella e girando per il 'palcoscenico)
Pul. Aiuto... gente... currite...
Pang. Zà... Zà... Cap. Fermatevi.
Lui. Che; vò dì sta violenza?
Pul. Caro sponzio, custaggine mi perseguiteggia.
Pang. E tu Felice Scioscimmocca?
Fel. Io vulevo...
Pang. Te voglio nfeccà cinch’ osse dint’ o cruvattino. (per bastonarlo)
Cap. Fermatevi ed ascoltate un momento. Questi che credete donna, è uomo!...
Pang. Che sento! Pul. Spoglia spò...
Cap. Questo che voi credete un servitore, è il fratello di Celestina la mia promessa sposa.
Pul. Che m’ ha fatto passà sti quatte guaje a me pover’ ommo. Pang. Allora, ’o birbante... Pul. Sò io.
Pang. E vuje pecchè site venuto?
Lui. Pe ve fa accapi ca sorema nun ve vò vedè manco pittato a vuje e ca vò bene 'o Capitano. E io aggio fatto tutto stu mbruoglio, pe nun vedè a na sora infelice. Oh! mo ca sapite tutte cose, dateve l’anema ’mpace e nun ce penzate cchiù a stu matremmonio.
Pang. E io mo a chi me sposo?
Pul. Eccomi caruccio.
Pang. Mo te mengo ’a coppa abbascio.
Fel. Pozzo parlà?..
Pang. Parla, fatte asci ’o spireto.
