Chesta paggena è stata leggiuta.
81
poemetti del cuore
CORE CHE PARLA
I.
Che bella jurnata! T’ aspetto
guardanno luntano luntano
si viene, e cuntanno 'e minute...
Diciste: « ’A tal’ora »; ma passa
n' at' ora e stu core me tremma...
Che smanie me songo venute!
Che fai? Chi te ferma p' 'a strata?
Chi dà tanta pena a stu core?
Chi arrobba stu tiempo all' ammore,
a st' anzia ca sta carcerata?
E tremmo. E sta cammera muta
s' è fatta cchiù fredda d' 'a neve...
E passano ancora 'e minute!
