Chesta paggena è stata leggiuta.
79
poemetti del cuore
DINTO ’E NNUTTATE....
Dinto ’e nnuttate tempestose e scure,
quanno cchiù nzisto va fiscanno ‘o viento
e se moveno, nere, nfaccia 'e mure,
ll' ombre, e ogne voce pare nu lamiento,
scetàte all’ antrasatto, ’e piccerille
sténneno ’e bbracce, tutte appaurate,
e se scippano nfronte ’e ricciulille
chiammanno 'a mamma cu ’e voce abbrucate...
'A mamma corre. Tempestosa e scura
è sempe 'a notte, e 'o viento nun se sta...
E dice 'a mamma: — « Nun avè paura,
nu cunto 'e fate te voglio cuntà... »
« E nce steva na vota na Riggina
« ca teneva 'e capille anella anella...
« E na varca arrivaie a la Marina...
« E nonna-nonna, e nonna-nunnarella...
