Chesta paggena è stata leggiuta du' vote e mo è fernuta.
5
GANO 'E MAGANZA
III.
— Limone, acqua! Acquaiuolo!… — Viene ’a ccà,
ramme ¹) na giarra semprice!… Zi-Tò!
’O macanzese… se farrà acchiappà?…
— Quanto ve preco… — Comme! Mo’ nce vo’,
e ssite vuie!… Che carte da jucà,
Gano ’e Maganza?!… È traritore, o no?!
’A sape tanto longa!… Scapparrà!…
— Gniernò!… — Gnorsì! — … Embè, e Linardo po’?
—’O spassatiempo!…²) — Ri’ cientè ’e semmente!…
Addonca, te riceva… ’o palatino
nun ll’assecuta?! ³) nun ll’arriva! che?!
Faccimmo na scummessa?… — Tiene mente!…
Guè, ma vi’ comm’è tuosto stu Peppino!…
L’arrivarrà, Linardo!… Siente a mme!
