Chesta paggena è stata leggiuta du' vote e mo è fernuta.
50
sunettiata
MEZANOTTE
— Chitarre e manduline int’ ’a Mbricciata... 1)
Sta canzona che cantano ’a sapita?
’A mezanotte poco fa è sunata...
É na canzona nova... ’a canuscita?!
Chi sa pe cchi sarrà sta serenata?
Songo cierti guagliune ’e mala vita...
Sentimmecella sta mandulinata...
Nun ve ne jate si no nce ’a perdita!
Stanno accurdanno... Jammo!... Zitto!... Zitto!...
«Cuncè cu chi t’arriseche...» Sentite!
Chesta è ’a canzona nova ’Un t’ ’o fa fa...
Ma cherè!... S’è fermato? Io t’ ’aggio ditto!
Pim!... pà!... So’ botte!... Bona gè, fuite!
Nun l’hanno fatto manco accummincià!...
