Paggena:Poesie napoletane - Ferdinando Russo.djvu/42

'A Wikisource.
Chesta paggena è stata leggiuta.
III.


(zitto zitto)


—Chisto chi è?—Nu turco, nun 'o vire?
—Grazioscèllenza! 'O ssaccio; ma chi è?
—'I quant' è brutto!...—Zitto!—'I quant' è nire!
—È nu mago?—Gniernò!—Se po' sapè?

—«O buon Macon! Ora che far? che dire?
La buona via perdei... eh, eh, eh, eh!...
»
—Curiuso!—Guè, chisto chiagne e rire!
—Guè, primma se lamenta e po'... cherè?

—Chillo 'a canosce, 'a strata! Vo' fa fenta!
Nun te n'adduone ch'è nu traritore!
—Che brutta razza! Quant'è malamenta!

—Mo' t' 'o scinne, se', se'!...

—«Oh sul mio core!


Sul mio Macon! Da l'ime fondamenta
vo' far crollare il tempio del Signore!
»