Chesta paggena nun è stata leggiuta.
PARLATA ’E GUAPPE
— Io, verbiràzzia, nce mettesse ’o mmio,
pe v’ aiuta ! Nui simmo d’’o bettone, *)
e mo’ nce vo’, pe quant’è vero Dio,
me pararrebbe c’avite ragione !
—Oh ! Mo’ nce vo’ ! Che ssa’ ! Nun è vulìo,
comme fosse, ’e fa sempe questione,
ma all’ uommene abbasate, ve rich’io,
s’ha da purtà rispetto e attenzione!
Mannaggia ’a paglia! Po’ se rice e’ uno
biastemma a Chillo ’e coppa e fa peccato !
Chi veve e magna nun crede ’o diuno!
Se ne ven’ isso, e parla 'e l’ubberienza !
Io, pe lliguardo a voi, l’ho tullerato!
Se rice, nfaccia a me, tìrete ’a renza ?!... *)
