Chesta paggena nun è stata leggiuta.
II.
Almeno Uà, col mio mezzo-toscano,
cu 11’ aria nfaccia e 11' aria dint’ e rine,
me sento dieci* vote crestiano,
senza fa ncuorpo ’e ccorde ’e viuline!
Femmene ? Niente! Ecco perchè son sano!
Vedete: io non conosco medicine!
Tengo ’a lira ? M’’a spènno chiano chiano.
Non la tengo? Ma vivo senza spine!
Invece, cu na cagna arrabbiata,
chiena ’e verrizze e de pretensione,
cchiù scucciante ’e na carta senapata,
neh, che vita sarebbe, ’a vita mia?
O ’a scannasse, e facesse nu marrone,
o, quant’ è certa ’a Morte, io schiattarria !
