Paggena:Poesie napoletane - Ferdinando Russo.djvu/225

'A Wikisource.
Chesta paggena è stata leggiuta.
223
piccola borghesia


LA VISITA DI CAPODANNO


I.


— E buona fine, e buon principio d'anno!...
— Altrettanto! Altrettanto!... Favorite!...
Quali onori!... Gli affari come vanno?
— Cummara mia!... Contiamo sulle dite!

Primma, ve ricordate? a Capodanno
er'altra cosa! Mò... simmo finite!...
Mò si scippa! Si vive lavoranno...
— E 'e ppiccerelle vostre? — Songo uscite...

La primma, Marietta, e quella là
si è data al canto... La vocetta è bella!..
Voi la sentiste, l'anno scorso...? — Già!

Me pare che cantò... Serenatella?
— Sì, ma adesso è tutt'altro, 'a verità!...
E' 'a primm'alunna 'e San Pietro a Majella!