Chesta paggena è stata leggiuta.
205
poemetti del cuore
Turnatevenne, pecchè nun è ccosa,
nun nce sta manco cchiù nu mandarino!
Nun nce sta manco cchiù na schiocca 'e rosa,
manco e 'ffronne nce stanno, int' 'o ciardino!
Site arrivata cu 'o ritardo 'e n'anno,
povera figlia! È fatta già 'a cugliuta!
Tutto è distrutto! E tuttuquante 'o ssanno...
Ah! ca si primma fusseve venuta!
L'uldema fuie Chella cu ll'uocchie 'e mare...
Giesù, che te facette, chella mpesa!
Me distruggette 'e rrose meie cchiù rare;
e l'albere chiagnevano c' 'a stesa!
