Paggena:Poesie napoletane - Ferdinando Russo.djvu/17

'A Wikisource.
Chesta paggena è stata leggiuta.
SUNETTIATA
15
'A GROTTA D' 'E SPAVARE ¹)


I.


L, dint'a chella grotta, 'e tiempe arreto,
nce steva, comme fosse, 'accunppatura ²),
'a cimma, 'a scumma, 'o sciore, 'a rennetura,
rocchie, paranze, cumpagnie... 'Nzigreto

nce currevano 'a gente p' 'a fattura,
p"e scungiure, p"e ncante... E llà dereto,
nun se sapeva che vo' di' cuieto...
E se faceva pure 'a jettatura.

Nce truvave 'a vaiassa, 'o cammurristo,
janare e mariuole a riggimente,
zingare smaleritte 'a Giesù Cristo...

Chillo pertuso ³) er'auto ca nu puorto!
E da chillo pertuso, ore e mumente,
sentive ascì na jastemmata a muorto.