Paggena:Poesie napoletane - Ferdinando Russo.djvu/161

T’avevo misa sempe ’a copp’ ’e nnuvole
cu 'a luce d’ ’a cchiù meglia fantasia!
T’avevo vista sempe ’ncielo splennere,
stella serena ’e chesta vita mia!
T’avevo dato ’e scelle e chiammat’angelo,
e stu core vulava appriesso a te
vincenno ’o viento comme 'o vence ’a passera,
ca lassa ’o vierno e ’o sole va a vedè!
No, no, nu cchiù! Nun voglio cchiù sti spaseme.
c’assapuravo duce comm’ ’o mmèle
pecchè m’ ’e ddive tu, pecchè parevano
na prova santa ’e n’ anema fedele !
T’ aggio vuluta assai cdiiù bene ’e mammema,
chella ca sape cumpatì ’o delore,
chella ca ’o figlio suio vedeva chiagnere
e Ile cuntava ’e Ilacreme, int’ ’o core!
E chisto core, ca sapeva ndennere
overamente ’o spasemo ched* è,
te suspirava : e speranzuso ’e requie,
sbatteva comiti’ ’a tenca appriesso a te!