Chesta paggena è stata leggiuta.
Avite visto mai nu piccerillo
dint'a ll'acqua menà na varchetella,
accumpagnarla cu nu sprucculillo?
Pe nu farla affunnà stenne 'a manella...
Ll'avite visto mai, stu piccerillo?
Senza sciatà, c"a lengua 'a fora, attiento,
vurria c' 'a varchetella 'un s'affunnasse...
Se vede ca s'abbocca lle fa viento,
appaurato ca fernesce 'o spasse,
senza sciatà, c'a lengua 'a fora, attiento...
Ll'avite visto maie? Pur'io sta varca
aggio avviata fora a sta marina...
Ma che maretta! Quaccheduno sbarca,
chell'auta lanzetella s'avvicina...
Io, sulo e tuosto, mengo nnanza 'a varca!
