Paggena:Poesie napoletane - Ferdinando Russo.djvu/148

'A Wikisource.
Chesta paggena è stata leggiuta.
146
poemetti del cuore



II.


Uno sta sulo pe vulè suffrì
quanto meno po’ essere?.. E che fa?
Tu, pe tramente chillo sta accussì,
’o vaie ’e spalle p’ ’o curtellià!

     Ah, c' allegria
     sta vita mia!
   Cheste so’ cose overo 'a stravedè!
     E t’ ’o ddich' io,
     pe cunto mio:
   so’ succedute sulamente a me!


III.



Perciò stu lagno mio nun è pe te,
ma l' aggio scritto sulo pe cantà
c’ ’a gente che m' ha fatto male a me,
pe quant’è certo Dio l’ha da scuntà!

     E st’ allegria
     d’’a vita mia
   ca ’o sentimento tuio m’ ha dato a me,
     mo, t’’o ddich’ io,
     pe cunto mio:
   te cade ncuotto tuttaquanta a te!