Paggena:Poesie napoletane - Ferdinando Russo.djvu/146

'A Wikisource.
Chesta paggena è stata leggiuta.
144
poemetti del cuore



II.


Parole amate, e mmiezo a sti pparole
nu core ’e fuoco che m’annammurava!
E attuorno a nui cadevano ’e viole...
Mo’ cadono ’e buscie ch' Essa ammentava

   Viole belle
   ca mo’ cchiù nun cadite
   ncopp’ a chist’ uocchie
   ca n' ato ha da vasà,
   Viole belle
   vui mo' me parite
   ’a primma tappa ’e tutt’ ’e nfamità!