Paggena:Poesie napoletane - Ferdinando Russo.djvu/141

'A Wikisource.
Jump to navigation Jump to search
Chesta paggena è stata leggiuta.
139
poemetti del cuore

Me resta ’npietto
comm' a a nu triemmolo
pe ciente palpete
ogne minuto!
Suonno venuto,
suonno perduto,
suonno passato
e sbariato
penzanno sempe!
Pàssano ’e munne,
pàssano ’e tiempe...
Essa sultanto,
(m’affoca ’o chianto!)
nun passarrà!..

Po’, nu ricordo:
cierti capille
lucente ’e sole...
Cierti vviole,
cierti pparole
parlate zitte,
dit’ ’a nuttata;
Essa affacciata...
Prumesse fatte,
buscie ggiurate—e suspirate...
Nu sentimento,
nu tradimento,
cierti rrisate...—Che curtellate!