Paggena:Poesie napoletane - Ferdinando Russo.djvu/133

'A Wikisource.
Chesta paggena è stata leggiuta.
131
poemetti del cuore


Tu m' 'e vasato cu na vocca 'e fuoco
e m' 'e mettuto dint' a chisto core
sciure addiruse e làcreme d' ammore
ca manco Dio m' 'e ppò fa scurdà cchiù...
E mo me lasse!... E comm' 'a fronna secca
te fai purtà d' 'o viento e t' alluntane...
Che vocca amara! E che sarrà, dimane,
quanno esce 'o Sole, e 'o Sole nun si' tu?