Chesta paggena è stata leggiuta.
113
poemetti del cuore
LACREME ANTICHE...
Na làcrema amara te scenne,
spremmuta dall' uocchie abbruciate...
Tu chiagne 'o ricordo d' 'e ccose passate
e pienze all'Ammore, ca mai turnarrà!
Tu chiagne... Sta vocca te tremma...
vò dicere quacche parola...
Nu nomme te saglie dall' anema sola...
Ma, stanca d' affanno, tu stiente a parlà.
Stu nomme 'o cunosco! Na sera
c' 'a luna scenneva int' 'o mare,
'o core sentette stu nomme chiammare,
e a te s' accustaie, pe te cunzulà...
