Chesta paggena è stata leggiuta.
103
poemetti del cuore
SANTA TERESA
Santa Teresa mia, mièttele ’ncore
tutto lu ffuoco e tutt’ ’o sentimento
c’ aggio pruvato a spasemà d’ammore
sempe scuntento!
Tu, c' 'a guardaste, quanno addenucchiata
nnanza all' altare Essa pregava a Dio
cercanno pace all' anema malate
comm' 'a cerch' io;
tu, che canusce quant' è granne 'o ffuoco
ca chisto core spierto m' ha abbrusciato
e comme, e quanto, 'a vita a poco a poco
m' ha cunzumato;
