Chesta paggena è stata leggiuta du' vote e mo è fernuta.
8
GANO ’E MAGANZA
VI.
Pe tramente traseva, da luntano
sente ’o scapulià di un destriere…
Uh ssanto Ddio!… È turco? È crestiano,
chisto ca sta venenno?… È nu guarriere!
La lancia in resta… Forse è musulmano…
ma no! Una crocia spicca sul cimiere…
È… Linardo!… Il bel sir da Montarbano,
che grida: Empio fellon!… Gan da Pontiere!…
— Ah! finalmente!… — L’ha afferrato?… — ’Accire?!…
S’ ’o magna?… — ’O sbrana, a chillo traritore?…
— ’O spacca ’a capa o no?… — Mo’! Nun mumente!
Egli è Linardo! di Maganza il sire
dice tremando e pieno di terrore…
Zonpa a cavallo… e scappa! — Ah! Che fetente!
