Chesta paggena nun è stata leggiuta.
86
'o munasterio
De li lacreme meie, mmiezo a stu core,
s’arraccugliette comm’a nu pantano;
e dint’a st’acqua scura,
tutta cumposta e spaseme e paura,
appena n’ata lacrema cadeva
tutte chell’ati llacreme smuveva.
Spuntaie na vota ’o sole. A poco a poco
s’allargaie, se spannette:
mpietto n’ato calore,
quase na mpressione ’e ragge ’e fuoco,
n’anema nova nova mme sentette...
Si te mannava Dio, comme diciste
e comm’io te credette,
tu, ca tutto na vota,
pure tu scumpariste,
va, ca te maledico!
