Chesta paggena è stata leggiuta du' vote e mo è fernuta.
58
'o funneco verde
’O GUAIO.
Peppina e Lucia Aiello, mamma e figlia, assettàte vicino ’o ffuoco. Peppina s’è addubbecchiata. Voce da la strata:
— Arresta! Arresta!… Ferma!… — Uh, mamma mia! Che sarrà?… Vuie sentite?… Che sarrà?… Scetateve!… — Farranno… pe… pazzia…
— Arresta! Arresta! — Vuie sentite, oi ma’?
— Secutano a quaccuno mmiezz’ ’a via… Iamm’ a vedè… — No… che n’avimma fa’?… Bene mio! Sta saglienno ’a pulezzia! Giesù, ch’è stato?!… Oi ma’!… Ma’!… Ascite ccà!
— Ch’ è stato? — Siete voi Giuseppa Aiello?
— Sissignore, signo’… — Ci avete un figlio?
— Nu figlio… Peppeniello… sissignore…
— Ha avuto quattro colpi di cortello..,
— Madonna!… — E ’a chi?… — Da un certo Ciro Giglio.
— Figlio mio!.. — Frate mio!… — Figlio mio bello!…
