Chesta paggena è stata leggiuta.
51
'o funneco verde
’O FUNNECO.
I.
CHIST’e ’o Funneco Verde abbascio Puorto,
addò se dice ca vonno allargà:
e allargassero, sì, nun hanno tuorto,
ca ccà nun se pò manco risciatà!
Dint’a stu vico ntruppecuso e stuorto
manco lu sole se ce pò mpezzà,
e addimmannate: uno sulo c’è muorto
pe lu culera de duie anne fa!
Ma sta disgrazia — si, pe nu mumento,
vuie ce trasite — nun ve pare overa:
so’ muorte vinte? Ne so nate ciento.
E sta gente nzevata e strellazzera
cresce sempe, e mo so’ mille e treciento.
Nun è nu vico. È na scarrafunera.
