Chesta paggena è stata leggiuta.
40
voce luntane
CUNTRORA.
STO menato ncopp’’o lietto,
sto guardanno nnanze a me,
tengo ’o sole de rimpetto,
dinto ’o core tengo a tte!
Sento ’e vvoce d’ ’a cuntrora,
sento ’a gente cammenà,
nu rilorgio sona ll’ora,
nu guaglione chiamma: "Oi ma’!…"
Tu che faie? Forze ’e nucelle
spuzzulie sott’’a perziana,
o fatiche, a tummarelle,
nu merletto a nu volà…
E accussì mme miette ’n croce,
c’ ’o merlette e cu’ ’e nucelle,
e pazzie cu’ ’e tummarelle
comme faie pure cu me…
