e i scrivo ? Pe te scrivo...—Pe mme proprio ?... E
che mme dice ?
— Tanta cose... Overamente?...—Tanta cose affezziunate...
(JVl ba creduto, puverella f Va facimmela felice!)
—diente—dico—so’ sultanto quatto vierze... ’E buo’ senti?
- Passarrà chist’ anno amaro, passarrà 1’ anno che vene,
ma tu, sempe, eternamente restarraie dint’ a stu core !
Che mme fa si ’o tiempo corre, si cchiù assaie te voglio bene
quanto cchiù passeno ’e iuorne, ca io nun conto manco cchiù ?... "
Poso a carta, e guardo a mamma. N’ata vota ll uocchie ha nchiuse,
comme quase stesse, nzuonno, nu penziero accumpagnanno :
ma ’e doie iacreme chill’uocchie poco primma se so’ nfuse,
e, mo, proprio nun me sanno, nun me vonno cchiu guarda...
Se ne trase ’o sole ’e vierno ca veneva p’ ’a fenesta,
dint’a cammera addo’ stammo n’ombra passa. Int’ ’a pultrona
senza sole, arravugliata dint’ ’o sciallo, ’a vecchia resta:
e chi sa, chi sa che penza... Nun ’a sento cchiu parla...
