Paggena:Poesie - Salvatore di Giacomo.djvu/404

'A Wikisource.
Vai alla navigazione Vai alla ricerca
Chesta paggena nun è stata leggiuta.
400
vierze nuove

’O TIEMPO.
— VlENE; assettete ccà. Dopo te dico
pecche faie buono ’e mme cercà cunziglio.
Conteme, mo; cunfidete cu mmico...
Va, va dicenno, figlio.
E io, tremmanno, dicevo : — Una sultanto,
mmiez’ a tant* ate morte int’ a stu core,
una ca ’o stregne e ’o strazia tuttuquanto,
una sola nun more !
E abbrile: e primmavera... E io ’a sento... A sento
ca passa e parla mmiez’ a st’ aria doce...
Mm’ ’a veco nnanz’ a st’ uocchie ogne mumento,
e nn* anduvino a voce...
— Sì, sì... — dicette ’o viecchio — io te capisco :
e ’o saccio tutto quello ca te pare
e sentere e vede... Te cumpatisco...
Sì, sì : so’ ppéne amare..*