Chesta paggena nun è stata leggiuta.
392
vierze nuove
ZINCARA NERA.
[Na zincara truvaie, vestuta nera,
p’ ’a strata sulitaria addo passavo :
scenneva quase già II’ombra d’ ’a sera,
e io cu ’e penziere mieie mm’accumpagnavo.
Quanno mme s accustaie proprio vicino
accumpareva ’a luna chiano chiano...
- Oi ni’, damme nu soldo e io t’ anduvino...—
E io, senza di’ ca no, stennette a mano..*
—Siente—dicette—siente: ’a vita è amara,
ma cchiù amara è pe tte ca si’ sincero:
si ’o nomme nun ’o saccio ’e chi t è cara,
saccio ca H’uocchie suoie so’ belle overo.
Ncielo mo saglie ’a luna chiano chiano,
e damme n’ ato soldo, e io t’ anduvino...
Voglio leggere meglio ’int’ a sta mano...
Sienteme buono... Fatte cchiù vicino.
