Paggena:Poesie - Salvatore di Giacomo.djvu/386

'A Wikisource.
Vai alla navigazione Vai alla ricerca
Chesta paggena nun è stata leggiuta.
382
vierze nuove

.
PRINCIPIO D’ANNO.
N ato anno ! Pienzece. Stanotte fanno
precise dudece mise, Adelà!
Comme fuiettero ! Ma dint’ a n’ anno
nun te parettero n’ aternità?
Basta. Spartimmece. Scordete, spassete,
nun fa’ cchiù perdere sta giuventù:
stasera adduormete stracqua, e pe ll’ urdema
vota, penzanneme, nun tremmà cchiù.
f
Vòtete, strignete dint’e llenzola,
e ’o suonno scennere fa ncopp’ a te:
scuordete, scordeme: staie sola sola,
nisciuno sentere te pò, e vede.
Nisciuno ?... Ah, st’ anema mia, ca te sente,
dint’ a sta cammera tremmanno sta...
Tu tuorne a dicere: — Dio! Finalmente! —
E sbatte st’ anema, fuie, se nne va...