Paggena:Poesie - Salvatore di Giacomo.djvu/382

'A Wikisource.
Vai alla navigazione Vai alla ricerca
Chesta paggena nun è stata leggiuta.
378
vierze nuove

NA TAVERNELLA..
MAGGIO. Na tavernella
ncopp’ ’ Antignano: ’addore
d ’a nèpeta nuvella;
o cane d’ ’o trattore
c’ abbaia : ’o fusto ’e vino
nnanz ’a porta: ’a gallina
ca strilla ’o pulicino:
e n’ aria fresca e ffina
ca vene a copp’ ’e monte,
ca se mmesca c’ ’o viento,
e a sti capille nfronte
nun fa truvà cchiù abbiento...
Stammo a na tavulella
tutte e dduie. Chiano chiano
s’ allonga sta manella
e rnm’ accarezza ’a mano...