Chesta paggena nun è stata leggiuta.
341
ariette e sunette
— Capurà, che facite a cavallo?...
Si scennite ve dongo na cosa... —
E na fronna d’aruta addirosa,
Carulina lle iette a piglià.
— E ssì... tenite !
Pigliateve aruta !
(Ca 'o bene voluto nun fa cchiù scurdà)
— Bella gio' , ca st’aruta tenite,
premmettete ca ’o ddico a ’o sargente ? —
’O sargente ’o dicette a ’o tenente,
e se ietterò ’aruta a piglia.
Rataplan! Sona ’a tromba ’a partenza...
Tutte ’e tre salutaino d’ ’a sella,
cu na fronna d’aruta nuvella
appezzata vicino ’o sciaccò...
E Carulina,
cu ’e llacreme a ll’uocchie,
luntano luntano ’e vedette sparì !
Figliulé quanno ’a gnora se nn’ esce
rebazzata tenite ’a fenesta,
ca si no de l’ aruta ’int’ a testa
ogneduno na fronna ne vo’ ...
E l’ aruta, si è còveta fresca
