Chesta paggena nun è stata leggiuta.
320
ariette e sunette
Uhi là ! La ra, la là !...
L’urdemo barcunciello...
Sarrà spusata Angeleca,
e a tarallucce e vino
fennenno sta ’o festino.
’a faccia mia !
Uhi là ! La ra, la là !
Fenenno sta o festino...
Vi’ che te fa na femmena !
Nun mme pareva overo
ca steva accussì allero
a notte a notte !...
Uhi là! La ra, la lai.
Nun mme pareva overo!
E mo? Tècchete Angeleca
ca mme fa chisto sfreggio!
(E chello ch’è cchiii peggio
a tengo ’e faccia!...)
Uhi là! La ra, la là !...
a mme fa chisto sfreggio!...
Neh, guardapò, scusateme...
Angeleca... è spusata?
— Ched’è? Meza nzerrata
nun vide *a porta?
(Uhi là! La... ra... la... là...)
Ah!... già... meza... nzerrata..
