Paggena:Poesie - Salvatore di Giacomo.djvu/307

'A Wikisource.
Vai alla navigazione Vai alla ricerca
Chesta paggena nun è stata leggiuta.
303
ariette e sunette

POVERA ROSA!
QUANNO pe ncopp’ ’a ll’arbere
se fanno gialle ’e ffronne.
e c' 'a primm’acqua cadeno,
e II’acqua ’a terra nfonne;

quanno e campane soneno
pe ll’aria d’ ’a marina,
e 'a voce Iloro spanneno
cchiù chiara e cchiù argentina;

quanno, cu ll’uva fravula,
veco trasì ll’autunno,
e assaie cchiù malinconeco
mme pare, attuorno, ’o munno;

pecché, pecché doie lacreme
mme sponteno ’int’a ll uocchie,
e tremmeno 'e denocchie,
Rosa, si penzo a tte ?