Paggena:Poesie - Salvatore di Giacomo.djvu/296

'A Wikisource.
Vai alla navigazione Vai alla ricerca
Chesta paggena nun è stata leggiuta.
292
ariette e sunette

N’ata capa se sose a nu cuscino
e se vota pe sentere e guarda :
sponta na ponta ianca ’e barrettino,
cchiù ghianca a luna facce fronte ’a fa.
— Chi chiamma?—Io!... — Chi? — Cosenza Birnardmo...
— Vuo* venere? — Sì, sì!... Ppi carità!
Seenne ambettola n’ombra ’a nu lettino,
na tosse secca se sente tussà...
—Acqua!...—Mo!... Nu momento... E, chiano, chiano,
p’ ’o stanzone s’abbia st’ato surdato,
cu nu bucale chino d’acqua mmano.
Tosse e s’accosta. ’O povero malato
fa nu sforzo, se ggira e finalmente
s’assetta mmiez’ ’o lietto e ’o tene mente.