Chesta paggena nun è stata leggiuta.
277
ariette e sunette
STANNO nu cacciatore
na vota int’ a nu bbosco,
’a miez ’e ffrasche Ammore
sentette suspirà.
— Oh caspeta! — dicette —
tu vi’ che bell’auciello !
Ngrillaie, sparaie, vedette
doie scelle sparpetà.
Cadette Ammore. E, stiso,
rummané muorto nterra...
Cuòveto mpietto, acciso,
è muorto Ammore, aiemmé !..
E a ll èvera se mmesca
sango, c’a goccia a goccia,
rèvera verde e ffresca,
fa rossa addeventa...
