Chesta paggena nun è stata leggiuta.
271
ariette e sunette
VURRIA scrivere nu libbro
addò stessero stampate
quante nzirie aggio pigliate,
Carulina mia, pe tte !
E, liggennelo liggenno,
vurria di’ : " Ma te n’ adduone
ca cchiù scemo ’e nu guaglione
tu si’ stato anfino a mo ?
Vide ccà quanta suspire,
e che lacreme cucente,
che parole e giuramente
te si’ fatto scurchiglià !
Liegge ! Mparate ! E, si pienze
n’ ata vota a Carulina,
tiene a mmente ’a medicina,
vota fuoglio... e lassa a sta ! "
