Chesta paggena nun è stata leggiuta.
267
ariette e sunette
BONGIORNO, RO!...
Rosa, si chiove ancora
nun t’ ammalincunì,
ca d' 'o bontiempo ll’ ora
sta prossema a venì.
Nun vide? ’E luce ’e sole
luceno ’e st’ acqua ’e file;
è 'a morte d’ ’e vviole,
so’ ’e lacreme d’Abbrile.
Ma mo cchiù ffresca e ffina
ll' aria se torna a fa'...
Meh !... A st’ aria d’ ’a matina.
Rosa, te può affaccià,
Arape ’e llastre : arape
sta vocca piccerella
addò sulo ce cape
nu vaso o na resella :
