Paggena:Poesie - Salvatore di Giacomo.djvu/269

'A Wikisource.
Chesta paggena nun è stata leggiuta.
265
ariette e sunette

DINT' 'O SUONNO.

Tu duorme, io te guardo;
mo nzuonno suspire,
mo pare ca rire,
mo staie pe parlà.

Sta vocca ’e pupata,
sta schiocca ’e cerase,
fa ll’ atto d’ ’e vase...
Ma 'e cerca, o ’e vo' da’ ?...

Che dice durmenno?
Che ffaie ? Cu chi ride ?
Chi chiamme ? A chi vide ?
Chi parla cu te ?...

M’ acàlo: se mmesca
stu sciato a stu sciato,
e, murmuliato,
nu nomme sent' i'...