Paggena:Poesie - Salvatore di Giacomo.djvu/161

'A Wikisource.
Vai alla navigazione Vai alla ricerca
Chesta paggena nun è stata leggiuta.
157
canzone

LUNA NOVA.
La luna nova ncopp’ a lu mare
stenne na fascia d’argiento fino:
dint’a la varca nu marenare
quase s’addorme c’ a rezza nzino...
Nun durmì, scétete, oi marenà !
Votta sta rezza, penza a vucà !
Dorme e suspira stu marenare,
se sta sunnanno la nnammurata...
Zitto e cuieto se sta lu mare,
pure la luna se nc’è ncantata...
Luna d’argiento lass’ ’o sunnà,
vaselo nfronte, nun ’o scetà...