Paggena:Poesie - Salvatore di Giacomo.djvu/141

'A Wikisource.
Vai alla navigazione Vai alla ricerca
Chesta paggena nun è stata leggiuta.
137
canzone

NUN CE IAMMO, NANNÌ!
Mo ca tutte se so’ mmise
ncarruzzella e ntrammuè,
e a migliare songo scise
Piedegrotta a ghì a vede,
io farria n’ata penzata,
lassaria lume e trummette,
e na bella cammenata
me farria nziemme cu te.
Ncopp’a lu Corzo cu la luna nova,
te dico, è na delizia a passià;
si nun ce cride, e tu mo fance ’a prova,
Piedegrotta lassammela addò sta !
Meh, dimme sì !...
Famme stu piacere !...
Nun ce iammo, Nanni!