Paggena:Poesie - Salvatore di Giacomo.djvu/121

'A Wikisource.
Vai alla navigazione Vai alla ricerca
Chesta paggena nun è stata leggiuta.
117
'o munasterio

Priate pe me!
TUTT’ ’a notte nu lamiento
p’ ’o ciardino se sentette,
e nu povero avuciello
appaura se mettette;
pecché, nziemm’ a 'e figlie suoie,
iusto ncopp’ ’o pede ’e noce
isso steva, e da llà sotto
se senteva chella voce...
"Scellarata! Pure muorto
tu mme viene a ncuità!
Pure 'e sciure 'a coppa fossa
a stu muorto vuo' sceppà ?... "
L'avuciello, appaurato,
mamma e figlie se pigliaie,
e da ll’arbero de noce
a n'ato arbero 'e purtaie...

O "Munasterio" è fernuto.