Chesta paggena nun è stata leggiuta.
Orfanelle
— “Uno, due!... Uno, due!...”
Accussì dice ‘a monaca francese
ch’accumpagna na fila d’ orfanelle,
vestute tuttuquante ‘e na manera
e tuttuquante cu ‘e ttrezzelle appése.
E, mentre s’ alluntana sta felèra
‘e faccelle spessive e malatelle,
mme vene a mente (nun ‘o ssaccio comme,
nun ‘o ssaccio pecché) ca, guagliunciello,
a poco ‘a vota, sotto a na campana,
io facevo murì cierti ppalomme
‘n pietto a nu Bammeniello ‘e purcellana...
