Chesta paggena nun è stata leggiuta.
PALOMMA NERA…
Si na palomma liggiera liggiera
io putesse addeventà
(na palomma ’e notte, nera),
attuorno a stu lume venesse a vulà…
E tu, ricamanno sta veste de sposa,
sentenno sti scelle, dicisse: "Che vuó?"…
De lacrime amare sta veste s’è 'nfosa…
Te pareno perle… ma lacreme so’…
Palomma 'e notte,
palomma nera,
chi t'ha mannata?…
Che mme vuó di’?
Anema sperza
p’ ’o munno, ’a sera,
falle ’a ’mmasciata
ca te faccio i’…
