Ciccio.
Totò, a te t’è piaciuto sempe 'e fa troppe chiacchiere, e perciò te sì truvato sempe male in vita toia; a me, nò!...
Antonio.
(solenne) In vita mia e titngo 60 anne... nun aggio maie cummessa n’azione disonesta, me sò cuntentato 'e 'j a' lemmosena, ma aggio pagato ’e creditore 'o 100 pe 100, e nisciuno... capisce? nisciuno se po vanta ch'adda ave nu soldo a mè!...
Ciccio.
Sò cose passate che nun me riguardano.
Antonio.
No, te riguardano, pecchè te sì scurdato a chi tiene coni m’a capo cuinmesso dint’ ’e magazzine tuie, io t' 'o ricordo.
Ciccio.
Totò, 'o tiempo pe me è denaro!.
Adolfo.
(ad Antonio) Vuie avite fatto’o bilancio, e gghiammo, datencillo.
Antonio.
(cava dalla saccoccia un foglio di carta) Questa è la situazione fino a questo momento... (lo porge a Ciccio)
Ciccio.
Oh! finalmente! (legge avidamente) Abbiamo 300 mila lire di mercanzie?
Antonio.
E aggio fatto nu calcolo a grassa, pecchè paricchia rrobba è deteriorata pecchè antica, fuori moda e perciò restata in fondo 'e magazzine.
Ciccio.
E in cas^a che denare ce stanno?
Antonio.
(freddo) Nu pare 'e migliare e lire.
