Ciccio.
(con ira repressa) Ah! stanno ccà? Sò venute proprio a nu buono mumento! Dì a Michele eh' 'e facesse trasì.
Rafele
(verso il fondo) Miche, fà trasì a chille duie.
Clorinda
(a Ciccio) 'A meglia cosa sarria 'e t' 'e levà 'a tuorno...
Rafele
(a Clorinda con ipocrisia) Tu statte zitta! Tra frate e frate nun s'adda maie ntricà!... Chi s'intrica resta ntricato!
Ciccio.
Caino e Abele pure erano frate! Basta, vuie trasitevenne 'a parte ’e dinto...
Clorinda.
Ah, se capisce, nun sarria conveniente... Ma tu mantienete sostenuto e nun te mustrà debole.
Ciccio.
Meh, jatevenne, mò... (Clorinda e Rafele viano a 2.a porta a destra) Mò vediinmo a che và a fernì!... (siede allo scrittoio).
SCENA 8.a
Antonio, Adolfo e detto.
Antonio.
(dal fondo con Adolfo) Buongiorno, Cì...
»
Adolfo.
Caro zi Ciccillo...
Ciccio.
(freddo dopo averli squadrati, pausa, poi ad Antonio) M’hè fatto chillo bilancio?
