Nenè.
M'ha giurato ca chesta è l'urdema vota...
Ciccio
Sò giuramente ’e marenare.
Clorinda.
(a Ciccio). Ma nun è peggio, nun se fenarrà 'e perdere stanno fora ’a casa?
Ciccio.
(c. s.) Nun me ne parlate, si no faccio ’o pazzo!...
Nenè.
Ma chesta è l’urdema vota...
Ciccio.
Nenè, vattenne ca cu me nun ne cacce niente!
Nenè.
Facite comme vulite vuie, ma sempe figlio v'è! Zi Clorì, stateve bona (le bacia la inano).
Clorinda.
Statte buono...
Ciccio.
(fa per prendere denari dal portafogli) Tiene ccà, nun fa vedè.
Nenè.
No, grazie, zi Ciccì; denare nun me ne servono, chello poco c'abbusco me basta... (commosso) Sulamente ve dò na preghiera... quanno sto Imitano, in viaggio, tenite sempe d'uocchio 'a vicchiarella mia... tene 70 anne... sta poco bona, le putarria succedere quacche cosa ’e male 'a nu mumento Ja n’ ato, ricurdateve eh'è ’a vedova d' ’o primmo frate vuosto...
Ciccio.
(commosso) Parte... senza penziere, ca me n’incarico io...
