Ciccio.
’O parente cchiù prossemo mio murette: era paterno!
Errico.
E mo se tratta d’ ’o figlio... anze d' ’o figlio d’’o figlio.
Ciccio.
Bravo! bravo! Ve conosco: site na bella cumbricola ’e malfattore! E io ve manno ’ngalera, e chillo svergugnato nzieme cu vuie?
Errico.
Eh! a nuie, caro cavaliere, nce fa poco, anze niente mpressione... E ppo’ nuie di fronte 'a legge stamm’ ’o ccovierto: ’a cambiale è in regola. P’ ’o signorino D. Alessandro è brutto: nu figlio che falsifica 'a firma d’ ’o paté!..
Ciccio.
Peggio pe Tanema soia, si è overo! S’ ’o cchiagne isso, s’ 'o cchiagne.
Errico.
Eh! fino a nu certo punto, caro cavaliere. Fà brutto a ssentì ’o cognome d’ ’o figlio vuosto... ch'è pure’o vuosto... che site uno d’ ’e primme commerciante ’e Napule... mbrugliato dint’ ’a nn scandalo ’e Chisto!..
Ciccio.
Ma dint’ 'a stu scandalo nce starrate pure vuie complicato, però!
Errico.
A nnuie, caro cavaliere, v’aggìo ditto, nun nce fà nè ccauro nè friddo! ma 'o brutto è pe wuie, p’ ’a famìglia vosta, che sta pe mparentarse cu nu titolato!
Ciccio.
(si alza e suona il campanello, poi dice con impeto) Michele!
