me facette duie anne fa e mò è fuori moda.. Che figura me faie fa nnanze ’o giovene d' ’o sarto...
Ciccio.
(piano a Sasà ironico) Scusate, non vi dico niente più L
Sasà.
(al sarto) Favorite in camera mia pe provarme ’o vestito.. (a Checchina) Checchi, fatemi comprare un pacchetto di oigarette, quelle da 10 centesimi, le tocos.
Checchina.
Ve servo rubito.. (via dal fondo).
Sasà.
(al sarto) Andiamo, (via col sarto a sinistra)
Ciccio.
(a Rafele) Chisto s’ha miso ncapo ca io sò milionario!..
Rafele.
(gesuiticamente) Caro Ciccio, che nce vuò fà.. ’a colpa nun è tutta d' 'a soia..
Ciccio.
(un pò irritato) Pecchè è ’a mia?
Rafele.
Nun dico propriamente, ma...
Ciccio.
Ma che? parla!
Rafele.
Ma caro mio, dal momento che tu l’hai abituato a sta vita.
Ciccio.
Chillo tene ’o juoco ’e mmane!
Rafele.
(con risolino beffardo) Ci, a te pure te piace ’e tirà ’a Marco.
