Ermelinda.
(esce dalla destra, malinconica e vestita di an altro abito)
Ciccio.
(a Ermelinda) E chest-’ata pare ch’add'a 'j a morte! Michè và nc’o dice che mò veneno ’e signure.
Michele.
Pronto, eccellenza, (vìa dal fondo)
Ciccio.
Jammo Sasà, va tu, me pare proprio na purcaria.
Sasà.
Jammo, zi Rafè. (via dal fondo con Raffaele).
Ciccio.
(ad Ermelinda> che è mesta) Ih!.. che bella faccia ’e ngroia che tene chesta stani matina! Neh! ma pecchè facimmo tutto chesta ammuina? Pe essa, p’ ’a felicità soia! (Ermelinda gli volge le spalle e siede annoiata) Ma se te gira ’a capuzzella, t'acconci’ io piccerè!.. t’acconc’io!.. (và in fondo)
Clorinda.
Pateto ave ragione, e si parla è p’ ’o bene tuio...
Nenè.
Scusate, zi Clorì, ma a chello che veco, a Ermelinda pare che stu Marchesino nun le va a genio.
Clorinda.
Ma comme, nu giovine accussi scicco, accussi elegante, ca è titolato... e nce dà chist’onore...
Ermelinda.
A me nun me preme niente ca è scicco, ca è elegante, ca è titolato... Comme ve l’aggia dì che nun me piace, ca m’è antipatico, ca nun se ne pò scennere 'e nisciuna-manera!..
Nenè.
(a Clorinda) Comme ’o vulite sentì meglio ’e chesto?..
