| Pezziente sagliute | 12 |
Checchina
Abbiamo inteso, anzi i ticchi di campanello non sono stati tre, ma appena due.,
Ciccio
(irritato). Duie, tre; ’o necessario è d’assudà ca sti tocche., e sarria buono che ve pigliassero a tutt’ 'e duie.. (indicando Michele e Checchina) nce sò state?
Checchina
(confusa). Sissignore, eccellenza...
Ciccio
E doppo d’avè ntiso duie squille avete anche creduto bene di non entrare in camera mia.
Checcina
Eccellenza, v’avita ricurdà che me dicesteve che io aveva servì ’a signora e ’a signurina sulamente, e che pe vuie nce steva Michele.
Ciccio
Vedite che bello criterio! E si dinto ’a cammera mia me vene n’accidente e nun nce stà st'animale, (indica Michele) io aggio voglia ’e muri.
Rafele
Oh! chesto pò...
Ciccio
Ma che chesto pò., e chesto pò!..
Michele
(a Ciccio). E che desideravate, eccellenza?
Ciccio
Voglio nu poco ’e cafè..
Michele
All’ombra di cioccolata, comm' 'o ssoleto?
Ciccio
Voglio nu poco ’e cafè, t’ho pregato!
