gazzine pe causa d' ’o fallimento, e... il mìo bravo signor fratello s’arrunzaie tutt' 'e brillante mieie e de mammà e se ne scappaie in America!..
Chiarina.
(ad Ant.) Avite visto?
Lucia.
(a Erm:) E mò quà buono viento te manna ’a parte nosta?
Chiarina.
(con affatto a Erm.) Te si ricordata finalmente 'e nuie?
Ermelinda.
E me sò ricordato pure ch’era ’a festa toia, Chiarì, e faggio purtato sti duie fiore!.. (dà i fiori a Chiar:)
Chiarina.
(con gioia) E pe me sò state ’o regalo cchiù bello ’e sta j urnata. (si baciano)
Ermelinda.
(si avvicina ad Ant) E vuie, zi Totò, nun le dicite niente ’a neputella vosta?..
Antonio.
(c. s. rude ma commosso) E che t'aggia dì... Tu ’o ssaìe..' io sò nu miez’uorco... nun sò buono a fa cerimmonie...
Adolfo.
(come per correggere il contegno ruvido del padre) Si te fa piacere, Ermelì, ’a tavola nosta nce sta sempe nu posto pe te!..
Chiarina.
Overo, Ermelì, statte a mangià cu nuie...
Ermelimda.
Sarria nu piacere gruosso pe mè...
Lucia.
’O mannammo avvertì nuie 'a casa toia...
